(ဝါရင့် မွန်အမျိုးသား ခေါင်းဆောင် နိုင်ငွေသိမ်း အကြောင်းတစေ့တစောင်း ) မွန်လူမျိုးတွေအတွက် တကယ်အလုပ်လုပ်နေတဲ့ ထုံးအိုင်ရွာဇာတိက မွန်အမျိုးသားခေါင်းဆောင် နိုင်ငွေသိမ်းအကြောင်းကို အနည်းငယ် ဝေမျှချင်ပါတယ်။ ထုံးအိုင်ရွာက မွန်လူငယ်တွေ လေးစားအားကျအတုယူအောင်လို့ ပါ ။ ၁၉၂၃ ခုနှစ် မတ်လ ၁၉ ရက်နေ့တွင် ကရင်ပြည်နယ်၊ ဘားအံမြို့နယ်၊ ထုံးအိုင်ရွာ၌ မွေးဖွားခဲ့သည့် ဝါရင့် နိုင်ငံရေးသမား နိုင်ငွေသိမ်းသည် အသက် ၁၉ နှစ်အရွယ် (၁၉၄၂) တွင် ဗမာ့ လွတ်လပ်ရေး တပ်မတော် BIA မှ စပြီး နိုင်ငံရေး လောကသို့ ဝင်ရောက်ခဲ့သည်။ မွန်လူမျိုး ရေးရာ အဖွဲ့ အထွေထွေ အတွင်းရေးမှူး၊ အာရှ လူငယ် အစည်းအရုံးဝင်၊ ရာမည တိုင်းလုံးဆိုင်ရာ မွန်ရေးရာ အဖွဲ့ချုပ် အထွေထွေ အတွင်းရေးမှူး၊ ပြည်သူ့ရဲဘော် တပ်ဖွဲ့ဝင်၊ မွန်ရေးရာ အဖွဲ့နှင့် မွန်တိုင်းရင်းသား အဖွဲ့ ပူးတွဲတပ်ဖွဲ့ စစ်ရေး တာဝန်ခံ၊ မွန်ပြည်သူ့ တပ်ဦး နိုင်ငံခြားရေးရာ တာဝန်ခံအဖြစ် ဆောင်ရွက်ခဲ့ပြီး ၁၉၅၈ တွင် ဥပဒေဘောင်အတွင်းမှ နိုင်ငံရေး လှုပ်ရှားရန် ဦးနု အစိုးရထံ လက်နက်အပ်စဉ်တွင် ပါဝင်ခဲ့သည်။ မွန်အမျိုးသား ဒီမိုကရေစီအဖွဲ့ စတင် ဖွဲ့စည်းခဲ့သည့် ၁၉၉၈ မှ စ၍ ပါတီ ဒု-ဥက္ကဋ္ဌ အဖြစ် တာဝန်ယူပြီးနောက် ပြည်ထောင်စု တိုင်းရင်းသား လူမျိုးများ ဒီမိုကရေစီ အဖွဲ့ချုပ် (UNLD) တွင်လည်း အမြဲတမ်း သဘာပတိ အဖွဲ့ဝင်အဖြစ် ဆောင်ရွက်ခဲ့ကာ ၂၀၁၁ ခုနှစ်၊ နိုဝင်ဘာလမှ စပြီး ဥက္ကဋ္ဌ အဖြစ် တာဝန်ယူခဲ့သည်။ မွန်ပြည်သစ်ပါတီ နိုင်ငံခြားနှင့် မဟာမိတ် ဆက်ဆံရေးရုံး တာဝန်ခံ နိုင်ဟံသာ (ဗိုန်ခိုင်) ကလည်း နိုင်ငွေသိမ်း အား မွန်အမျိုးသား နိုင်ငံရေး ခေါင်းဆောင်တဦးအဖြစ် လေးစားကြောင်း ပြောဆိုသည်။ နိုင်ငွေသိမ်းသည် နိုင်ငံရေး လှုပ်ရှား မှုများကြောင့် ၁၉၄၈ ခုနှစ်တွင် တကြိမ်၊ ၁၉၆၃ မှ ၁၉၆၅ ခုနှစ်တွင် တကြိမ် ထောင်ဒဏ် ချမှတ် ခံရသည်။ ထို့နောက် နိုင်ငံရေး သင်တန်း ပို့ချမှု၊ နိုင်ငံရေး သင်တန်းစာအုပ် ထုတ်ဝေ ဖြန့်ချိမှုဖြင့် ၁၉၉၁ ခုနှစ်တွင် ထောင်ဒဏ် ၂၁ ချမှတ် ခံခဲ့ရသော်လည်း စစ်အစိုးရနှင့်ငြိမ်းချမ်းရေး ဆွေးနွေးစဉ် မွန်ပြည်သစ်ပါတီမှ တောင်းဆိုခဲ့၍ ၁၉၉၄ ခုနှစ်၌ ပြန်လည် လွတ်မြောက်ခဲ့သည်။ထို့ပြင် မွန်ပြည်သစ်ပါတီသို့ ပေးပို့သည့် အကြံပြု စာတမ်းတွင် “နဝတ စစ်အာဏာရှင် စနစ်ကို သက်ဆိုး ရှည်စေသည်” ဆိုသည့် စာအရေး အသားကြောင့် ၁၉၉၈ ခုနှစ်တွင် ထောက်ဒဏ် ၇ နှစ် ကျခံခဲ့ရပြန်၍နိုင်ငွေ သိမ်း၏ နိုင်ငံရေးဘဝတွင် အုပ်စိုးသူ အာဏာပိုင်များ၏ ထောင်သွင်း အကျဉ်းချမှု လေးကြိမ် ကြုံခဲ့ရသည်။ နိုင်ငွေသိမ်းသည် ၂၀၀၉ ခုနှစ်တွင် နော်ဝေ နိုင်ငံရောက် ၈၈ မျိုးဆက် ကျောင်းသားများနှင့် တိုင်းရင်းသား အဖွဲ့အချို့မှ ပူးပေါင်းချီးမြှင့်သည့် အမျိုးသား ပြန်လည် သင့်မြတ်ရေး သူရဲကောင်းဆုကို အခြား တိုင်းရင်းသားခေါင်းဆောင် ၄ ဦးနှင့်အတူရရှိခဲ့သည်။ mizzima news မှကူးယူဖော်ပြအပ်ပါသည်။ သက်ဆိုင်သူများအား credit ပေးပါသည်။